Bordi Drejtues i SHSKUK viziton QKSUK
Bordi Drejtues i
SHSKUK-së,
i shoqëruar nga Drejtori i Përgjithshëm Mr. Sci. Dr. Curr Gjocaj, vizituan sot
Qendrën Klinike Stomatologjike Universitare të Kosovës, ku nga Drejtori Ekzekutiv
Dr. Sci. Shefqet Mrasori dhe anëtarët e Këshillit Drejtues të këtij institucioni,
u informuan për rezultatet, të arriturat, si dhe për sfidat me të cilat
ballafaqohen gjatë procesit të ofrimit të shërbimeve shëndetësore dhe
arsimore.
Kryesuesi i Bordit theksoi se QKSUK
është shtyllë shumë e rëndësishme e sistemit shëndetësor dhe arsimor në Republikën
e Kosovës dhe me këtë vizitë u shpreh tejet i kënaqur me gjendjen dhe të
arriturat e këtij institucioni. Prandaj gjatë mandatit aktual, QKSUK-së
do t’i kushtohet vëmendje e veçantë nga SHSKUK, me qëllim të forcimit të
shërbimeve dhe ngritjes së cilësisë së tyre, si në sferën shëndetësore, ashtu edhe
në atë arsimore.
Po ashtu edhe Drejtori i Përgjithshëm u
zotua që të mbështesë QKSUK-në në të gjitha aspektet dhe shprehu gatishmërinë
për të bashkë-financuar projektet prioritare për QKSUK.
Drejtori Ekzekutiv Dr Sci. Shefqet Mrasori njoftoi
të pranishmit për investimet të cilat janë realizuar gjatë vitit 2015, me theks
të veçantë në projekte për infrastrukturë dhe pajisje mjekësore, për planet
zhvillimore dhe nevojat e stafit shëndetësor dhe arsimor të QKSUK-së, institucionit të vetëm të nivelit terciar në Republikën e Kosovës.
Prishtinë, 11 Shkurt 2016